"اقعدوا ووفروا الفلوس".. أحمد موسى ينتقد لاعبي البعثة الأولمبية
علق الإعلامي أحمد موسى على الإخفاقات
المتتالية للبعثة المصرية في دورة الألعاب الأوليمبية لافتا أن الدولة قدمت الدعم
لكافة الرياضيين المشاركين.
وقال موسى خلال برنامج "على مسؤوليتي"
المذاع على قناة "صدى البلد": "النهاردة عندنا ماتش مع الأرجنتين
والماتش في إيدينا ورمضان صبحي بينه وبين المرمى 6 ياردات ومش عارف يسجل".
وأضاف: "فريق الأرجنتين ضعيف وملعبوش
غير كورتين والشوط الثاني مشفناش جول الأرجنتين؛ كان ممكن نفوز بمنتهي السهولة ولكن
مسألة الروح والدفاع والقتال".
وتابع: "50 دقيقة الشوط التاني مفيش
شوطة على المرمى؛ انما سلبية واحنا قاعدين متعصبين ونفسنا نعمل حاجة؛ الحاجة
الوحيدة اللي قدامنا نفوز على استراليا وأسبانيا تفوز على الأرجنتين".
وأوضح: "مش عارف بتعمل إيه في الملعب؛
بتباصوا لبعض والشناوي شال؛ يا تروح تشارك بمنتهى القوة يا أما بلاش".
وأكمل: "إية كل اللي طالعين دول من
الدورة؟ كلة طلع السباحة والشيش كلة طلع وبيقولك أنتظرونا في النص التاني؛ طب
واخدهم ليه لما أنت مش مراهن على ميداليات؟".
وواصل: "أنا بكلم من بدري أهو اللي حصل
حتى الأن غير إيجابي؛ لية مافوزش على الأرجنتين ليه قدامي العقدة؟ يا رايح أنافس
يا أقعد أوفر الفلوس وحرقة أعصابنا".
واختتم: "كام واحد النهاردة خرجوا
20-30؟ ترتيب وحش وأداء سيء ومشاركة سيئة لا تليق باسم مصر عايز دهب مش رايح أخد
برونز لا عارفين ناخد دة ولا دة".
