تركوها تنزف ساعتين.. شقيق الطبيبة المقتولة على يد زوجها يكشف تفاصيل الجريمة
كشف الدكتور محمود يوسف؛ شقيق الطبيبة
المقتولة على يد زوجها تفاصيل جريمة مقتل شقيقته بعد أن طعنت أمام أطفالها بـ 11
طعنة.
وقال يوسف في تصريحات لبرنامج
"الحكاية" المذاع على قناة "إم بي سي مصر": "والدتي
بتكلمها في نقس اليوم فوجئنا 5 ونص الفجر باتصال من الشرطة وبيقولولنا اختكم عامل
مشكلة مع جوزها ومستنينكم في القسم وهناك بلغونا اختك جوزها قتلها وطعنها 11 طعنة
وهرب".
وأضاف: "هما متجوزين بقالهم 3 سنين وعندهم
3 أطفال يحيي وياسين توأم وعمرهم سنتين ومي 3 شهور من بعد الجواز بفترة ابتدت
المشاكل لأن جوزها مكانش عايز يصرف عليها وتدخلنا والدتي قالتلها اللي أنتي عايزاه
قوليلي عليه لحد الظروف ما تتحسن".
وتابع: "قلتله لو ظروفك مش كويسة قولي
وأنا أساعدك وهو قال وعود كتير وهصرف؛ المشاكل دي متكررة الحدوث إلى أن من ست شهور
فوجئت بمكالمة أنه مد ايديها وضربها ورحنا هناك وقلنا ان لازم تطلق".
وأكمل: "جوزها كلم الناس عشان تدخل وكنا
مصممين نطلقها وهي قالت عشان مخربش البيت أرجع ورجعت وحافظت على بيتها لحد ما
قتلها وهرب وهو لسة هارب حتى الأن وهو دكتور أستان مفيش عنده أي حاجة نفسية وكل
الناس بتشكر فيه وانا نفسي أعرف ليه عمل كدة".
وأوضح: "أهله كانوا معاه وقت الجريمة اللي
حصلت الساعة 3 وبلاغ المستشفى الساعة 5 وأهله سابوا اختي تنزف الساعتين دول ولما
راحت المستشفى قالو وقع عليها لوح زجاج".
واختتم: "اخوه قال انه طلب الإسعاف رغم
أن عنده عربية ولكن كانوا مشغولين في إزالة إثار الجريمة وتقرير الطب الشرعي قال إن
الطعنة الأولى من ضهرها يعني قلتها غدر كمان؛ بوجه رسالة لوزير الداخلية بسرعة
القبض على القاتل ورسالة إلى النائب العام أن أهله ووالدته وكل اللي كانوا في
البيت يتحبسوا لأنهم شركاء معاه في الجريمة
