تصدرت التريند .. التفاصيل الكاملة لاعتزال ريهام سعيد ومعلقون لها:" خسارة صبايا الخير "

تصدرت الاعلامية ريهام سعيد التريند منذ قليل وذلك بعدما اعلنت عن اعتزالها للاعلام تماما والتوجه الي التمثيل مناشدة أشرف زكي بمساعدتها.

وناشدت المخرجة كاملة أبو زكري عن توجيه رساله للمخرجه كامله ابوذكري انها عايزه تمثل معاها حتي ولو مشهد.

تعليقات رواد السوشيال ميديا على اعتزال ريهام سعيد الإعلام

وتنوعت الاراء بين رواد السوشيال ميديا حول هذا القرار، تقول يارا في تعليق لها :" ضيعتي نفسك ؟كان مفيش غيرك من كام سنه اتغيرتي كنتي بتعمل حلقات ع حاجات ومواضيع مهمه !كنتي بتساعدي الناس كان ليكي جمهور كبير اتغيرتي وكل الي عملتي وفضلتي تبني فيه اتهد ..أتمني ليكي الاحسن ف حياتك ان شاء الله".

بينما قالت ريم أحمد :" خسارة كبيرة صبايا الخير تاريخ وهيفضل في ذاكرة وقلوب الناس كل دقيقه جهد وتعب اتعمل فيها حلقه نصحت او عالجت او ساعدة في حل قضايا او ترجيع حقوق او توعية انجازات صبايا هتفضل تاريخ زي اسمه اتعلمنا منه كتير وهيضل ليكي الفضل الكبير بعد ربنا في علاج الالاف المرضى وقضاء حوائج الناس في اختلافها والسبق بكل انجاز بتحققه مصر ومش هيتنسي ابدا .. بنحترم قرارك وربنا يوفقك في اختيارك وتاكيد انه احنا معاكي زي ما كنا بندعم الاعلامية الكبيرة هندعم الفنانه الكبيره  وبإذن الله قد النجاحات الي اتحققت في الاعلام هتحققي حلمك وهتنجحي في التمثيل وهنشوفك في اعمال كبيره ربنا يوفقك وتحققي كل الي نفسك فيه و اكتر ولا عزاء للحاقدين ومرض القلوب".

وقال ادهم صبري :" هي دارسه تمثيل اصلا ف حقها تطالب انها تشتغل عادي و حتى لو هي اعلامية و حشه او انسانه مش كويسه بالنسبه للناس ما تسيبوها تاخد فرصه و تسعى ورا حاجه بتحبها هو ايه المزعج للناس في كده يعني".

تفاصيل اعتزال ريهام سعيد الإعلام

وكانت قد قالت الإعلامية ريهام سعيد في منشور على حسابها الرسمي على إنستجرام: «فكرت كتير قبل ما أكتب البوست ده. أنا اعتزلت التمثيل سنة ٢٠١٥ لأني حسيت إن صاحب بالين كداب وإن التمثيل مأثر على مسيرة الخير إلى ابتديتها من سنين طويلة عشان الوقت والمجهود إللى بعمله، لكن عشقي للتمثيل إلى هو دراستي ومهنتي الأولي قبل الإعلام رجعت أمثل تاني وأنا لسه في نظر المخرجين والمنتجين مذيعة عايزه تمثل».

وتابعت: «كنت عارفة إن عشان آخد مكان كممثلة لازم أسيب الإعلام زي- مع حفظ الألقاب- داليا البحيري وبسمة ودينًا فؤاد ودينا الشربيني وغيرهم بس مكنتش قادرة أسيب رسالتي إللى كانت مهمة أوي وقتها».

قد يهمك..

  تفاصيل الحالة الصحية للفنانة ياسمين عبد العزيز

وعن الأزمات الأخيرة قالت ريهام سعيد :«أنا حصل لي مشاكل كتير من المهنة دي بتأثير باطل من السوشال ميديا من منافسين وأعداء بسبب المشاهدة العالية جدا والنجاح أنا تعبت وحسه إني قدمت كل إللى ممكن يتقدم والدولة عامله إللى عليها ومش محتاجين دور المجتمع المدني في مساعدة الناس ولكن أنا ليا الشرف إني اشتغلت في المهنة العظيمة دي إلى ليها رسالة سامية وعظيمة وليا الشرف إني كنت إعلامية في أصعب وقت مر على الإعلاميين أيام حكم الإخوان والحمد لله كان لينا موقف واضح وماتغيرش ولا دقيقة».

واستطرد أنا بكل أسف بعلن اعتزالي الإعلام تماما وهاركز كممثلة وهاطلب من الدكتور أشرف زكي إنه يساعدني إني أغير الفكرة الموجودة في أذهان المخرجين والمنتجين إني مذيعة. ورسالة للأستاذة كاملة أبو ذكري ومش مكسوفة نفسي أوي أمثل معاكي حتي لو مشهد ده من أحلامي. خطوة صعبة وفيها ريسك كبير بس على الأقل أجري ورا حلمي حتي وأنا في السن ده. جه الوقت إني أستمتع بالي بعمله وبحبه، خصوصا لما يكون في عصر ولا في وسطة ولا محسوبية إلى هايجتهد هايوصل. ماتسيبوش حلمكم مهما فات الوقت.

ووجهت ريهام سعيد رسالة لجمهورها قائلة: «بشكر جمهوري من الأمهات والشباب والأطفال إللى دايما بيدعموني وحبه برامجي وإتعلموا منها وبشكر ربنا على عشرين سنه إداني الفرصة فيها إني أقضي حوائج الناس وأقدم كل ما هو مفيد. فخورة بكل حلقة وبكل حرف قدمته ٢٠ سنة تعب وسهر وتصميم على تقديم الحقيقة. أنا آسفة ليكوا بس التمثيل رسالة برضوا وهو حلمي الأساسي إللى اتأخرت أوي عشان أحققه يا رب وفقني وساعدني».