والد محمد شريف: "أنا زملكاوي ومكنتش مرتاح أنه هيروح الزمالك"
أكد الحاج شريف؛ والد محمد شريف لاعب النادي
الأهلي؛ أنه كان لاعبا ومشجعا لنادي الزمالك لكنه لم يكن مرتاحا لتوقيع نجله
للقلعة البيضاء قبل الانضمام للفريق الأحمر.
وقال شريف في مداخلة هاتفية لبرنامج
"كلمة أخيرة" المذاع على قناة "أون": "كان عندي أمل في
ربنا وهو كان عنده موهبة اجتهد وتعب وكان منظم وبيحب التمرين وحياته كلها كوره
وبفضل ربنا نجح والدته كانت بتقولي هتبوظ الواد وسيبه يزاكر".
وأضاف: "أنا كنت زملكاوي بس دلوقت بشجع
الأهلي مكنتش مرتاح أنه يروح الزمالك لما راح الأهلي كان ماضي في الزمالك وفسخ
عقده وربنا هو اللي عمل كدة وانا ارتحت نفسيا لما راح الأهلي".
وتابع: "الزمالك نادي محترم ونادي كبير
وجماهيره كبيرة لكن مكنتش مرتاح؛ أنا حاليا بشجع الأهلي وكان عندي أمل في ربنا
أنهم يرجعوا ببطولة أفريقيا".
واختتم: "وانا بتفرج على مباراة النهائي
كان الضغط عالي عليا وكانوا هيودوني المستشفى؛ كان أملي في ربنا أن الفرقة تكسب
وترجع بالبطولة وتفرح مصر كلها".
