حلا شيحة تتبرأ من مشاهد الأحضان في فيلم "مش أنا" وتطالب تامر حسني بالاعتذار والتوبة
في رسالة ع الانستجرام فجرت الفنانة حلا شيحة مفاجأة من العياروالثقيل، وابدت غضبها من طرح الفنان تامر حسني لكليب من أحداث فيلمهما الأخير "مش أنا"، ووجهت حلا رسالة إلى تامر قائلة : "ازاي تنزل كليب فيه مشاهد بتحضني فيها في ايام مباركة زي دي من شهر ذي الحجة؟، ازاي تخلف وعدك لي بعدم عرض واذاعة مثل هذه المشاهد؟".
واستكملت حلا حديثها من خلال المنشور وكتبت: "الفيلم عمل ايرادات ونجح بمقاييس الدنيا، بس لم ينجح بمقاييس الاخره، الكليب ميرضيش ربنا وانا عيطت وانا بتفرج عليه"، وأضافت : "المشاهد الرومانسية في الفيلم كانت زلة وصورتها تحت تأثير ظروف معينة كنت بعاني منها وقتها، انا تبت من المشاهد دي واستغفرت ربنا واتمنى يكون راضي عني".
واضافت حلا: "استغفر ربنا يا تامر وتوب عن اللي انت فيه وافتكر لما قولت انا عايز اموت وانا مش مطرب، نت جواك صراع بين الاستمرار والاعتزال، المهم تصلح غلطك ومتستمرش فيه".
ووجهت رسالة لزملائها وزميلاتها في الوسط الفني قائلة : "انتم جواكم خير بس فتنة الشهرة عميا عينيكم، الفن اللي يخلينا نبعد عن منهج ربنا ومنبقاش قدوة لأودلانا (باطل)".
