صاحب واقعة قطار منوف يكشف تفاصيل الحادث
كشف محمد رشاد؛ المواطن المعتدى عليه من
كمسري قطار منوف؛ تفاصيل الواقعة التي أثارت الغضب خلال الأيام الماضية.
وقال رشاد في مقابلة مع برنامج "يحدث في
مصر" المذاع على قناة "إم بي سي مصر": "كنت راكب القطر ومعايا
بنتي لغاية الحامول وكان معايا تذكرة عادي والقطر أخره منوف وأنا كنت نازل محطة
واحدة الكمسري جه وقالي التذكرة وادتهاله".
وأضاف: "الكمسري قال هتطوق قلتله ليه؛
معايش فلوس دلوقت وحصل مشادة وأمين الشرطة زقني كان هيوقعني من الباب لكن كان في
ناس في القطر معايا لقيت ست قالت خد التطويقة والكمسري قال لا أنا هاخد منه".
وتابع: "القطر بيهدي وأنا نازل ولقيت
البنت بتعيط وعداني المحطة ويقوله مش عايز تنزلي ليه قالي هحبسك قلتله احبسني هو
أنا سارق والا حرامي".
وواصل: "نزلت محطة شنوان وأمين الشرطة
نزل ورايا عايز يرجعني القطر ولما القطر سحب شوية لقيته ركب ومشيت ورجعت عن حماتي
ومش فدماغي حاجة".
وأكمل: "شوية ولقيت والدي بيقولي أن
عملت أيه؟ قلتله معملتش حاجة قالي لا دا الفيديو بتاعك منتشر ولقيت بقي مكالمات من
القنوات وكدة".
واختتم: "محافظ المنوفية اتصل بيا
وأعتذرلي واعتذر للبنت وقالي متقلقش كلنا معاك ونائب المحافظ كمان؛ أنا بشكل كل
الناس اللي وقفت معايا وبشكر السيدة المحامية".
