"محدش فرط ولا هيفرط".. أحمد موسى يرد على شائعات الإخوان حول سد النهضة

أكد الإعلامي أحمد موسى؛ أن جماعة الإخوان الإرهابية اعتادت التهديد والسب؛ لافتا أنهم يقومون بتهديده حتى لا يتحدث عنهم يفضح مخططاتهم.

وقال موسى خلال برنامج "على مسؤوليتي" المذاع على قناة "صدى البلد": "بيحصل هجوم وشتايم كالعادة شغالين تهديد وتحرض طول الوقت مش بيخوفنا؛ هو أنت اللي هتاخد الروح هفضل أتكلم عنك شغالين بنبني وأنت عايز تخرب في البلد".

وأضاف: "هو أنت فاكر مصر هتفرط دا لا يؤثر في البلد عندنا ثقة كبيرة في الرئيس والقوات المسلحة والمخابرات العامة وكل أجهزة الدولة".

وتابع: "دي ناس بتشتغل وثقتنا لم تهتز أبدا؛ الماية محدش فرط ولا هيفرط فيها والسيد سامح شكري وزير الخارجية أتكلم وقال مصر شغالة في اتجاهات متعددة نثق في الدولة والثقة هتوصلك للنتيجة اللي انت عايزها".

واختتم: "لا مايتك هتنقص ولا حد هيسمح بدة ولا أرضك هتبور؛ الدولة عمالة تزرع في الصحرا وهتسيب أرضك تبور ازاي؟؛ في بلد وفي دولة عظمة عارفة خطواتها تدرس وتحسب كل خطوة احنا في أزمة تطلب الدعم الكامل والثقة في الدولة عشان تاخد كل الإجراءات في صالحنا".