عمرو أديب يوجه سؤالين للإثيوبيين: "أبي أحمد بيتمنى السد ينضرب"
علق الإعلامي عمرو أديب؛ على إعلإن إثيوبيا
انتصارها على مصر والسودان في مجلس الأمن لافتا أن ما يقومون بالترويج له غير
صحيح.
وقال أديب خلال برنامج "الحكاية"
المذاع على قناة "إم بي سي مصر": "الإثيوبيين انتصروا في إية؟ ومصر
كانت رايح مجلس الأمن ليه؟ هل مصر كانت عايزة المجلس يلوي دراع إثيوبيا؟ إثيوبيا
أصلا مش منخرطة في المفاوضات".
وأضاف: "كذب أن مفيش مشاكل مياه راحت
مجلس الامن قبل كدة؛ وكذب أن مفيش حروب قامت بسبب المياه؛ مجلس الامن ناقش حروب
ومذابح بسبب المياه".
وتابع: "عندي سؤالين للإثيوبيين وأتحدى
أنهم يجابوا؛ الأول هل حصة مصر هتتأثر بالسد الإثيوبي؟ ولو اتأثرت هتتأثر قد أيه
وأمتى".
وواصل: "الإثيوبيين بيقولوا لو المصريين
والسودانيين يعرفوا فوايد السد؛ طيب أنا عايزهم يقولولنا فايدة واحدة للسد على مصر
والسودان".
وأكمل: "الإثيوبيين بيستخدموا السد عشان
يوحدوا البلد؛ دا أبي أحمد نفسه رئيس الوزراء الإثيوبي ممكن يكون بيتمنى أنه
ينضرب! دا سحب قواته من التجراي وقال عشان أدافع عن سد النهضة وهو ميعرفش يدافع عن
ترعة".
واختتم: "شوف الإثيوبيين عاملين إيه
واحنا هنا كل واحد عنده رأي؛ واللي يقولك أنا رأيي كذا والمفروض يحصل كذا المفروض
لو حتى عايز تحارب كله يبقى في صوت واحد".
