عمرو أديب: "المندوب الروسي كلامه ينقط والعالم مش شايف المصيبة بتاعتنا
علق الإعلامي عمرو أديب؛ على جلسة مجلس الأمن الدولي والتي أقيمت أمس
لبحث الطلب المصري السوداني بخصوص قضية سد النهضة الإثيوبي.
وقال أديب خلال برنامج "الحكاية" المذاع على قناة "إم
بي سي مصر": "المندوب الروسي كلامه ينقط بيقول مش عايز أسمع حد بيهدد
والكلام كله في إطار المفاوضات بيقولك محدش حتى مش محدش يضرب محدش يحارب محدش يهدد
وتقعدوا تعملوا المفاوضات دي".
وأضاف: "العالم قالبين الدنيا على موضوع أفغانستان والأمريكان
بيحاولوا يعملوا أي حاجة وقالبين الدنيا عالتجراي عشان في تطهير عرقي؛ العالم لا
يلتفت الا للمصائب هما لسة مش شايفين المصيبة بتعتنا أوي".
وتابع: "النهاردة أبي أحمد بيقول اقعد جنبي ومتخافش والماية
هتيجي وبتاع وطبعا مصر الكلام دة مش فارق معاها؛ عايز أقول معلومة؛ النهاردة سد
الروصيروص السوداني نزل النص".
