عمرو أديب عن تأهب القوات الإثيوبية: "شوية مليشيات لمّوهم في يومين"
أكد الإعلامي عمرو أديب أن قرار مجلس الأمن
بخصوص قضية سد النهضة لن يخرج عن دعوة الدول إلى العودة إلى المفاوضات والتعامل
بإيجابية أكثر من أجل التوصل لاتفاق.
وقال أديب خلال برنامج "الحكاية"
البمذاع على قناة "إم بي سي مصر": "مجلس الأمن هيطلع يقولك عايزين
الدول التلاتة تنخرط في المفاوضات وهيطالب إثيوبيا بأنها تتعامل بإيجابية أكتر
وتدعو الاتحاد الأفريقي لاستكمال المفاوضات؛ هتقولي لما الحكاية كدة أمال سامح
شكري خد الطيارة 40 ساعة وراح ليه؟".
وأضاف: "سامح شكري رايح مجلس الأمن عشان
يقولهم أنا عملت مع الناس دي كل حاجة ومفاوضات من 10 سنين ورحنا الاتحاد الأفريقي
ومفاوضات جنوب أفريقيا والكونغو".
وتابع: "أظهرنا كل حسن النوايا وكدة
عداك العيب وأزح؛ أحد الجنرالات الإثيوبيين بيقول قواتنا في حالة تأهب؛ شيلاه يا
قواتنا دا شوية مليشيات لموا قواتك في يومين وتجراي دة مش جيش نظامي".
وأوضح: "أسروا من الجيش الإثيوبي 10
ألاف أمال اللي بيحاربهم قد ايه؟ على الأقل 100 ألف مثلا".
واختتم: "أنا مبجبش حاجة من عندي؛
الراجل بتاع مجلس الأمن هو اللي قال كدة وتصريحاته موجودة ومجبتش حاجة من تحت
الطرابيزة".
