حسام حبيب: "فيه حد عايز يهد شيرين.. والأمور وصلت للتجسس"

علق المطرب حسام حبيب؛ زوج المطرب شيرين عبد الوهاب؛ على أزمة التسجيل الصوتي المنسوب لولده والذي تحدث خلاله عن علاقة الزوجين معا وعلاقتهما بالأسرة.

وقال حبيب في مداخلة هاتفية مع برنامج "الحكاية" المذاع على قناة "إم بي سي مصر": "في حد عايز يهد شيرين هما أشخاص كانوا بيشتغلوا معاها وبيستفيدوا منها وشيرين مش بيفرق معاها المادة ولا الفلوس وكانت بتثق في اللي حواليها ثقة عمياء".

وأضاف: "الناس دي طول الوقت بتوصلها أن حياتك بتدمر وانت فين ومش بتشتغلي ليه واكتشفت أن في تفاصيل دقيقة من حياتي بتخرج برة".

وتابع: "المصيبة الكبيرة أن الموضوع بقي أكبر من حسام وشيرين ازاي بيوصل للتفاصيل دي أية؟ السيدة اللي نشرت الموضوع اعترفت أنها حصلت على التسجيل تحت مسمى العمل الاستقصائي".

وواصل: "اللي بتسميه العمل الاستقصائي دة بتجيب شباب وتديله رقم فنان أو حد قريب منه يفضل ست شهور يتكلم معاه لحد ما يتكلم معاه براحته؛ الموضوع شبكة تجسس عرفت تخترق حياة فنانين وممكن بعدها قضاة أو سياسيين".

وأكمل: "الجهات السيادية لا تسجل مكالمة دون إذن نيابة وهذه السيدة قامت بالتسجيل وشهرت بالناس وبتقول أنا بعمل كدة عشان بحب شيرين".

وأشار حبيب إلى أنه سوف يتوجه إلى النائب العام للتقدم ببلاغ رسمي ومتابعة القضية من الناحية القانونية مؤكدا أنه لن يترك حقوقه.