"الناس مبقتش مهتمة".. أحمد موسى يطالب بإلغاء البيان اليومي لإصابات كورونا
طالب الإعلامي أحمد موسى؛ وزارة الصحة إيقاف
البيان اليومي الخاص بأعداد الإصابات بفيروس كورونا لافتا أن الاهتمام بالأمر لم
يعد كما كان.
وقال موسى خلال برنامج "على
مسؤوليتي" المذاع على قناة "صدى البلد": "خلونا نتكلم بوضوح؛ حان
الوقت أن البيان اليومي اللي بيقولنا كام مصاب كفاية بيانات لأنه خلاص الناس مش مهتمة
زي الأول النهاردة مبقاش فيه اهتمام بالبيان زي الأول".
وأضاف: "أتمنى في ظل عدم الاهتمام أننا
نتوقف عن إصدار البيان اللي هو العداد محتاجين التطعيم دا عايز بدل الحملة لإعلان
الإصابات عايز بيان يومي بأعداد التطعيم".
وأضاف: "العام تعايش وأوروبا فتحت ولغوا
الكمامات في الشارع والدنيا بتتعامل مع الموضوع خلاص هناخد تطعيم كل سنه الدول
النهاردة ف امراض ناس بتموت أكتر من كورونا لو عندي البيان دة أعلنة كل يوم عندي
مرض كذا وكذا".
وتابع: "بقت كورونا طبيعي الناس بتتعامل
طبيعي المطلوب التركيز على التطعيم ده الحل اللي قدامنا مش حاجة تانية؛ الحل
التطعيم زي ما قال الرئيس".
واختتم: "الدول قالت ي جماعة كفاية
بيانات لازم نتعامل مع الوباء كأنه أنفلونزا موسمية تيجي كل سنة تاخد الحقنة
وبدأنا إنتاج لقاح ساينوفاك الصيني".
