رفضوا نزولها حمام السباحة.. ضحية التنمر بسبب البوركيني تروي تفاصيل الواقعة
كشفت هبة هشام؛ ضحية التنمر بسبب ارتداء
المايوه الشرعي تفاصيل الواقعة بعد رفض أحد الأندية استخدامها لأحد حمامات السباحة
الموجودة فيه بسبب الزي.
وقالت هشام في مداخلة مع برنامج
"الحكاية" المذاع على قناة "إم بي سي مصر": "أنا كنت
بحضر حاجتي وكلمت أصحابي هنتقابل فين واتفقنا وكلمت والدتي وبعدين قالتلي خلي بالك
أن النادي هناك مش بيقبل أي حد لابس مايوه طويل ينزل بسين وقالتلي دي لائحة داخلية
وهما حرين فيها".
وأضافت: "كلمت أصحابي قلتلهم حد يسأل
وراحت وسألت وقالولها مينفعش بقوا هما قاعدين في البسين وأنا في البيت المشكلة في
كذا نادي وكذا مطعم وقري سياحية وملايين المحجبات بيتحطوا في نفس الموقف".
وتابعت: "المواضيع جاية من تحت من
الجذور ومش مجرد أن منظري وحش لما بيكون في خروجة لازم يمنعوني عشان المكان دة مش
بيقبل محجبات".
وأوضحت: "المطاعم مبترداش أن أنا أدخل الفكرة
في احترام الحريات طالما مش بأذي حد أنا بطالب الناس تحترم حريتي أنا في كندا
عايشة عشر سنين مفيش الكلام دة".
واختتمت: "كل واحد حر عدم احترام
الحريات دي حاجة جاية من الجذور أو يطلع قانون يتحكم في اللوائح الداخلية إنما
أتمنع من دخول مكان دا نوع من العنصرية".
