عماد متعب يطمئن الجماهير على حالته الصحية
طمأن عماد متعب؛ نجم النادي الأهلي؛ جماهير الكرة المصرية على حالته
الصحية بعد إعلانه التوجه إلى خارج البلاد من أجل إجراء بعض الفحوصات الطبية بعد
انتهاء جائحة كورونا.
وقال متعب في مداخلة هاتفية لبرنامج "الحكاية" المذاع على
قناة "إم بي سي مصر": "أنا تمام مفيش مشكلة إمبارح كنت مع الإعلامي
إبراهيم فايق على قناة أون تايم سبورتس وسألتي عليى صحتي وأنا قلت لما الدنيا تفتح
ممكن أسافر اعمل فحص طبي".
وأضاف: "كان في فترة وكنت تعبان وكان عندي حصاوي في الكلي
والدكاترة قالوا في مشاكل في القولون وعدت على خير وأنا قلت هروح أعمل فحص برة
عشان بس أعرف دة بيحصل ليه".
وتابع: "جات فترة وعملت عملية في عنيا من شهر أو شهر ونص؛ الناس
بس ربطت بين اللي قلته ولما جالي جلطة من فترة وعدت وباخد أدوية السيولة والموضوع
انتهى".
واختتم: "مفيش أي حاجة كان عندي مشكلة في وداني من فترة طويلة
وكانت بتأثر على الاتزان أكبر حاجة دورا وفي الوقت الحالي مفيش أي مشاكل صحية وأنا
بطمن الناس أنا بس هسافر كنوع من الاطمئنان".
