بسبب تميم يونس وطليقته.. الاغتصاب الزوجي يتصدر تريند تويتر

ورد تميم يونس علي هذه الإدعاءات قائلا في فيديو نشره عبر الانستجرام :"شكرا جدا على الدعم اللي أنا مش مستوعبه بصراحة، بالنسبة للناس اللي عايزاني أطلع أتكلم على واحدة كانت مراتي فده مش هيحصل، أنا مبعملش كده، أمي مش مربياني على كده، والموضوع ده اتقفل لحد ما يتفتح بالقانون، غير كده الموضوع مقفول".

علقت أحد مغردين تويتر قائلة :" انتم فاهمين الحرية خطأ.. أسرار الزوج وزوجته مينفعش تخرج برة غرفة نومهم حتي لأقرب المقربين.. اللي أعرفه ان طالما العلاقة دي كانت من وجهة نظرك شايفاها اغتصاب.. اتطلقي بهدوء وبرقي من غير الفضايح دي فين الحياء يا بشر

‏حلوا مشاكلكم بينكم وبين بعضيكم.. عالأقل عشان خاطر ولادكم".

وقالت غادة مغردة أخري :" تذكرون الاغنية الي سوت ضجة عشان كلماتها البشعة مغني الاغنية عليه اتهام بالاغتصاب الزوجي"، بينما قالت شاهيناز عادل: " النكته ان مفيش ست متعرضتش لاغتصاب او تحرش و ان كل الرجاله بيقولو  عمرنا ما عملنا كده".

وكانت ندى عادل، طليقة الفنان تميم يونس، قد قالت إنها تعرضت للاغتصاب الزوجي.وذكرت ندى، في مقطع فيديو عبر حسابها على موقع "إنستجرام"، أن "الاغتصاب الزوجي" بالنسبة لها موضوع شخصي جدا، ودائما تحاول تجنب الحديث حوله لأن هذا الأمر ثقيل عليها للغاية.

وبكت موضحة أنها تعرضت للاغتصاب الزوجي، مضيفة: "أنا اتحطيت في الموقف ده وأخدت سنة عشان أعرف أتكلم في الموضوع وأواجه الإنسان ده، ويوم ما واجهته هو نفسه قالي (آسف، طيب اضربيني، عايزك تضربيني أو تعملي أي حاجة عشان تحسي إنك أحسن)".