"بسبب كوباية شاي".. مبروك عطية يكشف عن أغرب حالة طلاق في ليلة الزفاف

كشف الدكتور مبروك عطية؛ أستاذ الشريعة الإسلامية بجامعة الأزهر عن أغرب حالة طلاق مرت عليه خلال السنوات الماضية.

وقال عطية في تصريحات لبرنامج "يحدث في مصر" المذاع على قناة "إم بي سي مصر": "أغرب حالة طلاق مرت عليا كانت لعروسة ليلة فرحها".

وأضاف: "الحالة دي من 15 سنة؛ العروسة من مصر الجديدة والجواز في الهرم ويمكن أبوها سامعني دلوقتي؛ عملوا الحفلة وأبوها وداها لبيت جوزها".

وتابع: "جوزها قالها أول ما طلعوا أعمليلي كوباية شاي؛ فهي رفضت بدلع فقالها هتعملي كوباية شاي وألا أطلقك؟ قالتلو طلق؛ فراح مطلقها بسبب كوباية الشاي".

وأشار عطية إلى أن البعض يدخلون إلى البيوت ويقومون بالخطبة وهم ليس لديهم نيه في إكمال الزواج لافتا أن بعض الشباب سألوه عن التوبة من هذا الأمر.

وأوضح: "لقيت ناس بيقولولي عايزين نتوب؛ بيروحوا يجيبوا دبلة ويعملوا شبكة ويروحوا كل أسبوع ياكلوا ويشربوا ويبقي عنده واحدة يتأمر عليها وفي الأخر يسيبها وخلاص".