"أنا مثال للمنحوس".. شريف الدسوقى يتصدر التريند برسالة مؤثرة
تصدر الفنان شريف الدسوقى مواقع السوشيال ميديا بعد رسالة لجمهوره يطمئنهم فيها على صحته بعد بتر قدمه، حيث أعاد شريف دسوقي نشر رسالة تتحدث باسمه من أحد متابعيه عبر حسابه الرسمي بموقع "فيس بوك".\
تقول الرسالة: "أنا المثال للشخص اللى ممكن تشوفه من وجهة نظرك منحوس، يوم ما الدنيا ابتسمتلى رفعت ايديها بكل قوتها ونزلت على وشى وفوقتنى من وهم السعادة اللى عيشتنى فيه".
أضافت: "حلم حياتى أكون معروف ومشهور وموجود فى وسط الحاجة اللى بحبها وبعد تعب وشقى سنين قدرت، قدرت اعمل كل اللى بحلم بيه، واخلى الناس كلها تشوفنى فى كل موقف بيقابلهم فى حياتهم، قدرت اسببلهم سعادة بسيطة هى جزء رئيسى من طموحى، ربنا وهبلى القبول والناس حبتنى زى ماحبتهم لكن مفيش حاجة بتدوم".
تابعت: "وكل العجب إن الحاجة والسبب الرئيسى فى صعودك تكون هي الضربة القاضية اللى تنهى كل أمالك وتقضى عليك نفسيا، ابتديتها من تحت الصفر، طول عمرى بشقى وبتعب ومحدش حاسس بيا ولا حد واخد باله منى، مستنى نص فرصة إنى اثبت إنى موهوب وموجود وقد ثقة الناس اللى هتشوفنى، سنين من عمرى راحت وانا بجرى من مكان لمكان أدور على دور ينصفنى ويشيل الغيامة من على عيون كل اللى حواليا واثبتلهم قد إيه انا فنان كبير وتقيل أوى فى مجالى".
وتفاعل مع شريف الدسوقى عدد كبير من المغردون حيث قالوا: "إن شاء الله هتقوم وتكون أحسن من الأول"، بينما قال له أخرون: "إجمد أنت قدها والجاى أفضل وأحسن".
وشريف دسوقي حكّاء وممثل ومؤلف ومخرج مصري، وصاحب جائزة أفضل ممثل في مهرجان القاهرة السينمائي الدولي التاسع والثلاثين عام 2018 وولد شريف دسوقي في محافظة الإسكندرية واتجهت ميوله المسرح منذ الصغر، حيث كان والده مديراً لمسرح إسماعيل ياسين منذ 1952.
كان دسوقي يعيش مع والده في منزل بني للأسرة خلف خشبة المسرح، ورغم عمل والده في المسرح إلا أنه رفض دخوله عالم الفن وقام بضربه في أول ظهور له على خشبة المسرح وعمل شريف في كل مهن المسرح تقريبا كفني صوت وفني خشبة مسرح. لكن عندما هُدم مسرح إسماعيل ياسين وغالبية مسارح الإسكندرية الصيفية وبُنيت مكانها مباني، ترك العمل في مهن المسرح واتجه للعمل بقصور الثقافة والفرق المستقلة منذ 1990.
