أحمد موسى يفتح النار على محمد رمضان: مدلس وكاذب
علق الإعلامي أحمد موسى؛ على الفيديو الذي
نشره الممثل محمد رمضان والذي ادعى خلاله أن الدولة قد تحفظت على أمواله في أحد
البنوك.
وقال موسى خلال برنامج "على
مسؤوليتي" المذاع على قناة "صدى البلد": "يوم الخميس طلع محمد
رمضان استفز الدنيا كلها عمل فيديو عجيب كالعادة طبعا مدلس وكذاب".
وأضاف: "الحقيقة المعلومة أن تم الاتصال
بيه فعلا وان اتقاله جالنا حكم قضائي واجب النفاذ لورثة فلان الفلاني الطيار أشرف
أبو اليسر بمبلغ سنة مليون جنيه وهذا المبلغ سيتم تجميده؛ نقطة لا أموالك ولا فيزا
ستة مليون وباقي المبلغ متاح".
وتابع: "الجريمة اللي عملها أنه روج
شائعات أن الدولة بتتحفظ على أمواله ومقلتش ليه أنه حكم قضائي يا مدلس بتعمل تشهير
للبنوك والإساءة ليها ولسمعتها".
واصل: "مقلتش ليه يا مدلس أن دة حكم
قضائي وخدوا ستة مليون مش كل فلوسك يعني صدر عليك حكم في جريمة ارتكبتها في قضية رفعها
عليك المرحوم أشرف أبو اليسر وكنت سبب أنه يموت الراجل ده ومات من الحسرة".
وأكمل: "تتقول على الدولة وتتهم الدولة؛
الدولة ملهاش علاقة دا قضاء وكل حاجة بتتعمل بأحكام قضائية ولا يجرؤ أن يقول أحد
هاتلي فلوس حد الا بحكم قضائي".
وأوضح: "اللي قاله دة يستحق عقاب
الشائعات والاضرار بالاقتصاد القومي والبنوك وكمان بتكلم جريمة أخرى لما قال اللي
عنده في البنك عندنا كذا واللي عنده فلوس في البيت؛ أخبار الضرايب معاك اية؟
بتشتغل وحساباتك كذا بتخبي فلوس عن مين الفيديو ورطة في جريمة أخري".
واختتم: "أطلع قول للناس والله أنا دخلي
في السنة خمسة وبدفع عليه أنما تشهير بالبلد ياراجل اختشي وبطل كذب خليت الناس يبقي
عندها نفور أو جزء من الناس من التصرفات دي لازم تحافظ على الشوية الباقيين معادش
حد بيتعاطف كنت تطلع تصحح قالولي المبلغ كذا؛ وأنا كلمت مسؤول في البنك وحكالي القصة
بالكامل".
