بعد انتقاده فكرة «السلف».. شريف مدكور يثير الجدل على السوشيال ميديا
رد الإعلامي شريف مدكور، على الانتقادات التي تعرض لها مؤخرا عبر موقع التواصل الاجتماعي "فيسبوك" بعد قوله في منشور له إنه يرفض فكرة السلف أو تسليف أحد أي أموال.
وقال شريف مدكور في بث مباشر على حسابه الشخصي على موقع "فيس بوك": إن “ما حدث هو عبارة عن سوء فهم بين والجمهور فهم قصدي بطريقة خاطئة”، مشيرًا إلى أنه لا يتأخر عن معارفه وأقاربه وأنه كان يقصد اشخاص لا يعرفهم على الإطلاق.
وأضاف: “عاوز أفهم يعني إيه حد أنا معرفوش يبعتلي على فيس بوك، يقولي أنا عايز أستلف 100 أو 150 ألف جنيه، أولًا اللي عايز يستلف ده لازم يكلم حد من أهله مثل خالته أو عمته أو أي حد مقرب منه، في ناس قالت عليا قليل الأدب وغليظ القلب، يعني إيه أسلف حد معرفوش، فلوسي اللي أنا تعبت فيها".
وتابع: “هو يعني إيه واحدة ما أعرفهاش تبعتلي تقولي أنا محتاجة 100 ألف جنيه عشان اشتريت حاجات من ورا جوزي وهتفضح وهسددهملك على سنة، أو حد ما سددش فاتورة الموبيل من 6 أشهر ليه أصلا تشتري وانت مش معاك”.
وكان الإعلامي شريف مدكور الشكر وجه رساة لمهاجي الأزياء التي ظهر بها على مدار 30 يوماً في شهر رمضان المبارك الماضي عبر "فيسبوك"، قائلًا: “في ناس شايفة القمصان مش رجالي.. مش ذنبي إنك أو إنتي مش عارفين ثقافة مصر وأجدادنا الرجال كانوا بيلبسوا إيه من أيام مصر القديمة لغاية منتصف القرن 18.. كانت كل الملابس مشغولة يدوياً وعليها تطريز وشغل إبرة، وكل القمصان دي مستوحاة من التراث المصري القديم بس بطريقة عصرية.
وتابع:”الغريبة إن أغلب اللي مش عاجبهم لابسين هدوم عليها يفط لماركات غربية.. مش ذنبي إن حضرتك حابب تكون يافطة متحركة".
