"فاكرنا هبل".. عمرو أديب يعلق على فيديو الحجز على أموال محمد رمضان
علق الإعلامي عمرو أديب؛ على الفيديو الذي
نشره الممثل محمد رمضان وأشار خلاله إلى أن الدولة قد قامت بتجميد أمواله في أحد
البنوك.
وقال أديب خلال برنامج "الحكاية"
المذاع على قناة "إم بي سي مصر": "فيديو غريب فاكرنا هبل أو
مبنفهمش أو في عصر مفيهوش راديو ولا تلفزيون ولا حد بيطلع بيان؛ فاكر أن الجمهور
مبيعرفش الحقيقة فاكر أنه هيقول الكلام والناس تصدق وانتهينا".
وأضاف: "محمد رمضان بقالة مدة كدة محدش
بيصدقه كل ما أفتح التريند أشوف الناس بيدوله إزاي من المنقي خيار".
وتابع: "السيد محمد رمضان حب يدينا
انطباع أنه مبيعزش حاجة على بلده وأن البلد كانت مزنوقة في قرشين وقالت ناخد من محمد
رمضان البلد ملهاش دعوة بفلوسك وفي غني عنها".
وواصل: "الفلوس دي فلوس الراجل اللي مات
وانت عارف كدة دي فلوس تعويض الراجل مش كنت تلم القرشين وتديهم لأهلة لازم تستني
لما يحجزوا على الفلوس".
وأوضح: "أبسط حاجة تعملها تقول مش دول
سته مليون أدي عشرة أهو وأنا أسف أنا غلطت إنما هو مصر يكذب علينا وبيقول للعالم
أن في مصر حكومة بتحط أيديها على فلوس الناس".
وأكمل: "قالك أنا بشيل الفلوس في البيت
بيعلم الناس متتعاملوش مع البنوك بتاعة مصر قايم تقول للناس خلي بالك لو الدولة
اتزنقت هتحط ايديها على فلوسك".
واختتم: "عيب عليك المفروض تكون قدوة أو
علامة قررت أنك طرمخت على فلوس الراجل لغاية أما الحكم يتنفذ انت مش شايف حصلك الفترة
اللي فاتت ربنا كبير يا محمد".
