"شخص نرجسي ومؤذي".. ثورة غضب بعد ترقية دكتور بـ"علوم إسكندرية"

يقول الطالب أندرو محمود: "كنت الترم اللي فات لسه داخل الكلية جديد وكلمني بأسلوب وحش وأنا محتاس في الشغل العملي وخلاني اتوترت زيادة وقالي مش هتعرف تجيب امتياز في الماده دي لو وقفت على راسك لدرجة إنه خلاني أهرب من السيكشن وأخاف لو شافني، أحب أقولك أنا جبت في المادة امتياز وأمثال حضرتك ميقدروش يحبطونا أبدا".

بينما قالت الطالبة زهرة العلا: "شخصية نرجسية مؤذية، لازم الكلية تتحقق من نفسية كل دكتور قبل أن يعمل بالكلية".

وقال الطالب أحمد محمود: "مش هزيد عليك أكتر من الكلام اللي اتقال لأنك حرفيا أذتنا نفسيا في كل تعامل معاك، وكرهتنا في حياتنا كلها من كلمة ملهاش لازمة طلعت منك في سيكشن مش فاكرين منه حاجة غير أذيتك، عليك من الله ما تستحق، لا أكثر فنظلمك ولا أقل فلا تشف صدورنا".

وبعد التعليقات المهاجمة، اضطرت إدارة الصفحة الرسمية لكلية العلوم جامعة الإسكندرية لغلق التعليقات على منشور التهنئة الذي تحول إلى حملة ضد الأستاذ الجامعي.

وحقق المنشور في 13 ساعة فقط تعليقات طلابية قاربت على 42 ألف تعليق حتى غلق التعليقات، وتجاوز 150 ألف تفاعل بصيغة الغضب، وقرابة 15 ألف مشاركة,