سيد علي عن مشكلة مها أحمد والسقا وكرارة: أزمة "تافهة"
علق الإعلامي سيد علي على هجوم الفنانة مها
أحمد على الثنائي أحمد السقا وأمير كرارة؛ مؤكدا أنها أزمة "تافهة" ولا
يجب أن تكون القضية التي "تلهي" الجمهور.
وقال علي خلال برنامج "حضرة
المواطن" المذاع على قناة "الحدث اليوم": "في أزمة خايبة
وعبيطة واحنا في وادي والناس في وادي تاني واحدة زعلانة مبتشتغلش بتلسن على اتنين
زمايلها".
وأضاف: "أحمد السقا أنا أعرفه؛ فنان جدع
وأنا بعشقه وبحبه؛ أنا معرفش أمير كرارة ولكن بتكلم عن اللي أعرفه؛ وبعدين بالنسبة
للست مها أنا عندي صحفيين ومذيعين أحسن مني مش لاقيين شغل ودكاترة ومهندسين ومحدش
بيطلع يقول زميلي شغال فين وبياخد كام".
وتابع: "احنا كلنا بنشتغل ونجتهد ونسعى
والرزق بتاع ربنا؛ وبعدين الست مها أحمد بتطلع وبتشتغل في القنوات ومحدش بيقولها
أنتي بتروحي تقدمي برامج".
واختتم: "مسألة شخصية تافهة والنقابة
طلعت بيان تتكلم عنها؛ الموسم الرمضاني في أعمال كتير سيئة لكن فيه أعمال تغفر لأي
شيء زي الاختيار والقاهرة كابول وهجمة مرتدة".
