إيناس الدغيدي تكشف مفاجأة عن برنامج "الجريئة وشيخ الحارة"

أكدت المخرجة إيناس الدغيدي؛ أنها وافقت على تقديم الموسم الأول من برنامج "الجريئة وشيخ الحارة" المذاع على قناة "القاهرة والناس" من أجل التواجد خاصة وأنها ابتعدت كثيرا مؤخرا.

وقالت الدغيدي خلال مقابلة على قناة "القاهرة والناس": "لما جينا نعمل الموسم الحالي من البرنامج قلتلهم أنا بقترح أنهم تخلوا حد مختلف يقدم البرنامج كل سنة ولكن طارق نور مالك القناة قالي طالما عندي برنامج ناجح مقدرش أتخلى عنه".

وأضافت: "أنا باخد شخصية القناة باخد شخصية احترام القناة وبالتالي احترام الضيف حتى لو بقوله سؤال سم بقوله بهدوء وأغلب اللي بيجوا أصدقائي مش عايزة أكون قاسية".

وتابعت: "لو حد من أصحابي قالي سر مستحيل أكيد أقوله على الهواء ولا في الحياة العادية وجاملت أصحابي في بعض الأحيان أن مطلعهمش بشكل وحش".

وعن أفضل الحلقات في الموسم الحالي من البرنامج قالت الدغيدي: "حبيت حلقة هاني شاكر لأن هاني مكانش عايز يجي وحبيت حلقة بوسي شلبي وفوجئت بحلقة الهام شاهين مكانتش بالجراة المعتاة وكمان حلقة إيهاب توفيق وهالة صدقي عملت رد فعل كبير".

واختتمت: "في حلقات اتفرضت عليا من الاعداد وقالولي الحلقات دي تعمل حاجة ولما دخلت كنت زعلانه لأخر دقيقة أني عملتها؛ كل حلقات الكورة مكنتش كويسة أوي لان معلوماتي عن الكورة مش قوية".